U Montri Rangbah ka jylla, u Conrad Sangma da pyntip u wa da dep phah ya ka chnat PHE wow takit yeiwa da chem ka seiñ FKJGP wa ki 44 tylli ki chnong wa em ha Shillong toh kiwa pynemkaam da ki um wa jakhlia ki wym hoi de u dih.
Da ong u leh wa ka sorkar ym em kheiñstiñ ko yeini wei waroh ki thaw pynlang um namo ki Water Tank wa em ha kini ki chnong daw phah pait yei long i man yong ki kamjooh i rukom pynkhooid um.
Da pyntip u leh wa em palat 1000 tylli ki Water Tank du ha Shillong kiwa pait da ki dong, da ka Municipal waka PHE wei em leh boon ki rukom taan um wei ka PHE leh ko ya ki Test yong ka hi wei da chem ko wa ki um toh kiwa biang.
Da yaroh u leh yei chimkhia ka FKJGP wow lai pynlang ya kini ki um na waroh kini ki thaw deiwa ong wym ye u kyntait yeini wa da chem ka seiñ neibhah ka um da saam ya ka cha yung ki bru da kiwa boon ki rukom wei em ki Water Tank kiwa mantre da ki bru samen, em kiwa da rim kamjooh ki tiar wei yeini waroh hap u pait bniah bha neibhah hap leh wow pyrkhat yei chait i khiah ki bru.
Discussion about this post