U Montri wa pait ya ka chnat i chait i khiah u Alexander Laloo Heku da pyntip u wa neiliang ka chnat muna tyngka yong ka jylla da dep ko wow pynlait ya ka poisa neibynta wow su cha ki wakreh Accredited Social Health Activist (ASHA).
Neiliang ki ASHA kiwa em ha ka jylla hapoh ka chatri yong ka Meghalaya Asha Workers Union (MAWU) da pynsñiaw ki cha ka sorkar hajrong i eh wa maad ki neidaw wa pynslem ka sorkar wow su ya ka bainong ka yong ki, heiwa da e por leh ya ka sorkar wow su hapoh chi tayaw lym kamtæ daw sangeh ki wow krehkaam.
Hawa kylli ynne ka sngi, u Hek da pyntip u wa ya ka poisa kawa man T.1000 chi bnai da dep wow pynlait, heiwa kiwa boon ki thaw da dep ki wow yoh wei da em leh ki thaw ki wym pu yoh iwa ka chnat daw pynpoi ko ha kini ki kajiak sngi wow wan.
