U montri rangbah ka jylla u Conrad Sangma da pyntip u wa da yoh yaka Test Result yong ki 118 ngut heiwa 68 ngut da yoh ynnin i miet katwa 50 ngut da yoh ynne i janmiet.
Naki 68 kiwa da yoh Result nyngkong, 6 ngut toh kiwa da dep pynbna kiwa da man Positive iwa mut toh kiwa em ya u khñiang COVID-19. Naki 50 ngut won ki Result wa yoh na Guwahati Medical College and Hospital toh kiwa ym em ya uni u khñiang (Negative).
Da pyntip u leh wa kiwa man Positive toh kiwa hayung hasem uwa yoh ya u COVID-19.
Kattæ dang yang yaki Result yong ki 43 ngut na Barpeta Medical College, ki wow yoh ym slem de.
Da pyntip u leh wa waroh kiwa da yajan wa kini (Primary Contact) da dep Quarantine yaki wei kiwi won (Secondary Contacts) kiwa da lai da wan cha ki thaw wa em kini kiwa da yoh ya uni u khñiang dang boodien yaki.
Heiyatoh won yei pynbaad wa ym em biang i pynbiang baam, u Conrad da ong u, “Nga kwah O wow pyntip wa da leh ya iwa emkaam yow pyntikna wa i baam kamjooh kiwi kiwa emkaam da pynbiang cha kitu kiwa em haki Isolation Ward wa ha ki Corona Care Centre.”
Da kyntu u yaki paidbah wow ya krehlang heiwa ka sorkar da leh ko katwa ye wei emkaam yei ya krehlang ki paidbah khamtam yow bood yaka Social Distancing wei wow man kiwa lehkhooid ha kam kini ki por.
Discussion about this post