U Additional Director & Spokesperson ka Health Department, Manipur u Dr. Khoirom Sasheekumar Mangang da pyntip u wa waroh 20 ngut heiwa 11 ngut toh kiwa yajan bha wa u Air India Pilot da dep Test yaki wei da chem wa ym em ki ya u khñiang COVID-19.
Uni u Pilot uwa man leh u pyrsa kurim u Dr. Silo toh uwa da suba man u uwa rah ya uni u khñiang heiwa u Commissioner & Secretary ka Health & Family Welfare Department ka jylla Meghalaya leh da pyntip u wa uni u Pilot toh uwa wan na New York cha Delhi haka 16th March, 2020. Wei haka 17th March 2020 da lai u na Delhi cha Imphal katwa haka 20th March, 2020 da lai u na Imphal cha Delhi wei haka 24th March, 2020 da lai u na Delhi cha Shillong wei da booh ya oo hapoh ka Home Quarantine hadien wa da dep u wow Register waka sorkar nadooh ka 24th March hadooh ka 7th April, 2020.
Neiliang uni u Pilot da pyntip u wa ini i lai yong ko toh katkam i kaam yong oo wei da em u ha Delhi neidaw wa chah khut u wow lit kit ya ki nong India na Rome, Italy tangwa da em noh da uwi wa pynhær yaka lieñsuiñ kamtæ da neh u boi daw emkaam ya oo. Hadien wa pynbna yaka Lockdown da liwan u cha Shillong wei da pyntip u wut wut cha u 108 wei da bood u yaka kyndon wow Quarantine 14 sngi.
Da pyntip u leh wa da dep chim Sample na oo arsien wei ym em wa pyntip cha oo wa em u ya uni u khñiang.
Da ong u leh wa ye u man wa uwi na kiwa sumaar u Dr. Sailo toh uwa em u ya uni u khñiang wei da kyntu u leh yaka sorkar Meghalaya wow pynyoo paidbah yaka Test yow lait nei chah bichaar haki paidbah.
Da ong u wa ini waroh da ktah ko hadooh ya kiwa emyatoh u wa em ha Nagaland wa ha Manipur.
Discussion about this post