Da dep u chna ya ka thaw pynyieñ kari hajan NEIGRIHMS khlem da ah uwi leh u dieñ: Sniawbhalang  

U MLA ka North Shillong, u Adelbert Nongrum ynne da kylli u hajrong i thmu ka sorkar wow booh thaw pynyieñ kari ha Phan Nonglait Park wa ha Ward’s Lake dei thmu wow pynduna yei khynnia kari tangwa da sñiawkhia u wa ini daw ktah ko yei miat ka sor Shillong khamtam deiwa ah ya ki dieñ.

Neiliang u Montri ka chnat Urban Affairs, u Sniawbhalang Dhar da jubab u deiwa ong wa sñiawthooh hi yeini wa da ong u MLA tangwa ka sorkar ym yoh ko wow leh katwa ngait wow ah ya ki dieñ neibhah wa hap wow bood ya ki kyndon ka chnat Forest.

Da e nongmuna u leh ya iwa da dep chna thaw pynyieñ kari hajan ka NEIGRIHMS heiwa ym em ah tang uwi u dieñ tangwa da ye wow chna thaw neibynta chi spah tylli ki kari wa ye u pynyieñ ha ini i thaw.

U MLA na Nongthymmai, u Charles Pyngrope da e buit u wow sdang da ki Odd-Even Number du neibynta ki kari samen yow pynduna yei khynnia kari.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Sniawbhalang da pynche u leh wa ka sorkar dang pyrkhat ko yeini waroh wei kamwa man kattæ ini waroh toh iwa dang pynkhreh donhi u leh wei da jied leh ya ka Barik kam ka thaw pynyieñ kari wei daw thooh leh ya kiwi ki thaw.

U MLA ka Amlarem, u Lahkmen Rymbui won da e buit u ya ka sorkar kawa da thmu wow sdang ya ka Medical College ha Civil Hospital kawa em ha chrooh ka Phan Nonglait Park wa heithaw wow booh da ka thaw pynyieñ kari toh u pynheh ya ka Hospital.