U heh ka BJP uwa man leh u Montri warim yong ka sorkar, u Alexander Laloo Hek da ong u wa i tympdung bomb da ka HNLC ynnin ka sngi ha Laitumkhrah man i iwa ymye u pdiang neibhah wa ye i wot u chim ya i mynsien bru deiwa pynrap wa lada em kiwon kiwon kiwa leh ya ki kaam pyrchah aiñ toh u kem ya ki wei wow pynchitom katkam ki kyndon ka aiñ.
Da ong u wa da chim u ya ka laad nadooh wa sdang wow wanrah ya i yaklam (ka seiñ wa ka sorkar) wei ha kini ki sngi wa dadep leh da lai pyrchang u pteiñ u yaklam wa ka sorkar India tangwa nei chah pynthut noh ha ka khlam, i kaam da sahteiñ i deiwa ong leh wa iwa jia ynnin man i iwa sñiawsih bha.
Hawa kylli wa ki kaam ka HNLC dang pteiñ ki kat dang mih ki sngi ki por, da ong u wa ka sorkar India kam ka sorkar bei ymye ko wow kyntait ya i kiwa kwah yasuk ha yung ha sem.
U Hek da pyntip u leh wa da yaklam dang chisien wa kiwa kitkaam ka HNLC kiwa kwah wow wan klam yasuk, wei da chimkhia u ya ini i kaam neibhah kwah u wow yoo yei chongsuk ha ka jylla.
