Da dep yatai chaphang ka Article 371 wei hap jied da ka næ Sixth Schedule

U Working President ka UDP, u Paul Lyngdoh da ong u wa da che wa ka jylla hap ko wow ya ka Sixth Schedule næ ka Article 371.

Hawa kylli hajrong i dawa ka Voice of the People Party (VPP) wow dawa ya ka Article 371, u Paul da ong u wa ya kani ka phang da dep wow yatai bha hapoh ka yung dorbar ha ki snem wa da lai heiwa u President warim ka HSPDP, u Ardent M Basaiawmoit da wanrah u hapoh ka yung dorbar.

Heipor wa wanrah u Ardent wow chim ya ka rai hapoh ka yung dorbar ha u snem 2015, u Paul da chimbynta u ha katai ka yatai heiwa da ong u wa ka Article 371 man ko kam ka waitlam arliang kawa em i maa bha lada bakla pynemkaam ya ka.

Ha itai i por, u Dr. Donkupar Roy uwa man kam uwa yahkhmat ka liang pyrchah, da ong u wa heithaw wow dawa ya ka Article 371, ka sorkar jylla toh u dawa ko na ka sorkar India wow pyndam noh ya ka Para 12 A (b) ka Sixth Schedule khnang wow pynkhlan ya ki District Council ha ka jylla yow ye u khang yei krehkaam ki aiñ ka sorkar pyrdi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hawa klam ynne ka sngi, u Paul da ong u wa iwa che hi toh wow jied hapyrdi ka Sixth Schedule næ ka Article 371.

Kam wow kdaw heini wa ka VPP da kynthup lang ko yei dawa Article 371 kam kawi na ki phang ha kani ka Election MP cha ka Lok Sabha.

Heijooh i por, u Paul da ong u wa i dawa pynkrehkaam ya ka ILP ha ka jylla ym ktah ko kajiak leh ya ki kaam uiñke suwari. Da e nongmuna u ya kiwi ki ri ka pyrthai kam ka Israel, ka USA wa ki ri Europe kiwa da pynkrehkaam da ki aiñ wa khor bha ya ki bru wow wan psiah tangwa kiwa lai ke tooid bait ki.