U Montri Rangbah ka jylla, u Conrad K Sangma da ong u wa i eh wow su tulop ya kiwa sikai Samgra Shiksha Abhiyan (SSA) toh wa ka jylla ym yoh ko yaka poisa kamwa da paan da ka sorkar, wei katni ka jylla ym yoh de ko hadooh 90% ka poisa wow su tulop na ka sorkar pyrdi.
Da khana u wa kamwa man katni, ka jylla da yoh ko du kamwa 70-80% ka poisa wow su tulop ya kiwa sikai SSA na ka sorkar pyrdi, katwa kawa sah hap wow sai naka sorkar jylla. Da ong u wa lada ka sorkar pyrdi ym pynlait ko ya ka poisa ha i por wa biang, ka sorkar jylla leh daw maad ko yei eh wow su yaka tulop, deiwa pynrap wa ka sorkar dang yaklam ko hadooh katni ya ka sorkar pyrdi wow phah ya ka poisa heipor wa biang wei wow e leh katkam i emkaam wa da phah da ka jylla.
Hawa yatoh wa kiwa sikai skur wa College yong ka sorkar jylla, u Montri Rangbah da ong u wa kiwa sikai yoh biat ki ya ka tulop heipor wa biang nadooh ki skur LP, UP ter ter, katwa hawa yatoh waka tulop kiwa sikai Deficit wa Adhoc kawa i lut dapoi ko hadooh kamwa T. 1400 klur chi snem leh, ka sorkar ka e ko heipor wa biang.
