theme-sticky-logo-alt
theme-logo-alt
Advertisement ad1
Advertisement ad1

Da e sikai ya ki wakreh ka chnat khloo yow pynkrehkaam ya ka aiñ Biological Diversity Act

Advertisement ad1
Advertisement ad1

Ka Meghalaya Biodiversity Board ynne ka sngi da pynman ko ya ka Capacity Building Workshop kawa chi sngi neibynta ki heh ka chnat Forests & Environment Department ka sorkar Meghalaya yow yarap u pynkhreh kammon wow pynkrehkaam ya ka aiñ Biological Diversity Act, 2002 deiwa kyrpang ya ka Enforcement Matters wa Access & Benefit Sharing (ABS) heiwa yeini da pynman ha Conference Hall, Sylvan House, Shillong.

Ya ka bynta pynkut da wan wow embynta lang da u Montri ka chnat Forest & Environment, u James P K Sangma kam u kongsan. Hawa e yei klam, u James da yaroh u ya ka Meghalaya Biodiversity Board kawa da chimkhia wow e sikai ya ki wakreh deiwa pynkynmoo leh yei em ka khlaam wei kammon wa yoh u yoo yei ktah u bru ya ka rymaw hadien wa hap chong yung kiwa boon.

Advertisement ad1

Chooh chooh da ong u wa ka Meghalaya man ko kam chibynta ka Indo-Burma Biodiversity Hotspot kawa em boon ki phlang, ki khloo wa ki mrad kawa katni da sakhi yei sdang kylla bha ka suiñbneiñ wei i rukom hiar slap leh da phær bha i ha ki snem wa da dep iwa da ktah yei rep i riang, i kamai ki bru wa i chait i khiah.

Da ban joor u leh yei emkaam wow pynchlur ya ki bru wow thung dieñ wei wow pynsñiawthooh paidbah hajrong ini. 

U Montri ha kani ka sngi da pynlait paidbah u leh ya ka Meghalaya Biodiversity Strategy and Action Plan (MBSAP) 2017-2030, wa ki kot “Flowering Plants of Meghalaya: A pictorial Guide, Part -1” wa “Bamboos of Meghalaya”. Da saam u leh ya ka Access and Benefit Sharing (ABS) Fund cha ka Singwilgre BMC, Selsella Block, West Garo Hills District. 

Share this:
Previous

Jop ka Pasyih Cultural ya ka Kseh Sylle Ialong ha ka 18 Above ka WJDSA

Next

Jop ka Umstain waka Wahiajer ha ka Elaka Narpuh Football Tournament Champions 2021