Shillong: U Montri Rangbah ka jylla u Conrad K Sangma da ong u wa ka sorkar ym em chong paitke ya ki kaam pyrchah aiñ kiwa da mih hadien wa da khang wow tih mooyong ha ka jylla.
Hawa jubab hajrong ka phang wa wanrah da u MLA ka Mawlai u Process T Sawkmie hajrong i yoh thied tooh kiwa khayi mooyong ya ka Challan kamwa thied kot khubor na yaw, u Conrad da ong u, “Hadooh katni ym em kawon kawon ka ujor kawa yatoh wa i dai tooh yaka Challan kamwa da mih ha ka kot khubor phareng dang ini”.
Heijooh i por u Conrad da ong u waka chnat pulit da yaleh mukotduma ko hadooh palat hajar tylli pyrchah ya kiwa tyngkheiñ ya ka aiñ kiwa yatoh wa i khang tih mooyong hapoh ka jylla nadooh u snem 2014.
“Ka sorkar ka ym em paitke wei ka boodien ko nadooh u snem 2014 wa khang tih mooyong wei da em hadooh 12,000 tylli ki ujor kiwa da man mukotduma,” da ong u Conrad.
Discussion about this post