15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Sñiawkhia ka Congress wa ym em pynkhreh ka sorkar wow sylli yei psiah ki baar jylla

0 Comments
Advertisement ad1
Advertisement ad1
Advertisement ad1

Shillong: Ka liang pyrchah, ka Congress ha Meghalaya da pynsñiaw ko yei khuslai heiyatoh wa i psiah ki baar jylla hadien wa da pynkrehkaam ya ka National Register of Citizens (NRC) ha Assam ynnin u snem.

U MLA ka Congress na Mawlai u Process T Sawkmie da ong u wa da chong syier mynsien ki paidbah hadien wa kiwa ym em mih pyrtuid hapoh ka NRC daw psiah tooh ki chapoh ka jylla wei neidaw wa i ki tre jylla da man chwa ki kiwa khian paaid wei ym em thaw de wow yut cha wi.

Advertisement ad1

Da ong u leh waka sorkar emkaam ko wow thooh laad kammon wow khang ya ki psiah ki baar jylla chapoh ka jylla deiwa jied ya ka ILP namo daka Meghalaya Residents Safety and Security Act da ong chooh u Sawkmie hawa chimbynta haka ya tainia hapoh ka dorbar ynne ka sngi.

Da ong u leh wa ka Meghalaya Residents Safety and Security Act toh kawa ym em lamien wei emkaam wow pynkhlaan ya ka chwa wow pynkrehkaam hapoh ka jylla.

Sa uwi u MLA ka Congress u Himalaya M Shangpliang da ong u wa ka Assam da lai ko cha khmat wow pynkrehkaam ya ka NRC katwa ka sorkar Meghalaya won ym pu em pynbait ko ya ki thaw wow booh yaka Entry/Exit Point.

Da yooluti u wa ka thaw wa dep lai sylli u montri rangbah ka jylla u Conrad K Sangma ha Umling, Ri-bhoi daw pynkrehkaam noh ka tangwa da kdaw u wa yow krehkaam paka ko daw chimpor ko 2 snem, wei da kylli u leh wa ha kam kini ki por kammon u leh ka sorkar yow pait yei psiah i mih ki bru chapoh ka jylla.

Heiyatoh won wa i pynbait ya u pood waka Assam u MLA ka Mawlai u Sawkmie da kylli u hadooh katwon chimkhia ka sorkar yow wanrah ya ka roi ka paar cha ki thaw khappood.

“Em ki por pyrkhat O wa ka Assam ka leh ko yeiwa emkaam neibynta ki bru yong ka wa im cha ki chnong wa em cha khappood, wei neiyi i daw ka sorkar Meghalaya ym leh ko wow sumaar ya ki bru yong ka kiwa em cha khapood kiwa boon ki por ki bor sorkar man ki kam kiwa paitke donhi,” da ong u Sawkmie.

U Sawkmie da pynsñiaw u leh yei khuslai yeiwa pynemkaam ya i ktien “Unrepresented Tribes” da ka Union Cabinet hawa mynjur ko wow pynkylla ya ka Article 280 waka Sixth Schedule katkam ka Constitution ri deiwa pynku ya i boon Constituency hapoh ki Territorial Council kiwa em hapoh ka jylla.

Kam wow pynkynmoo wa da mynjur wow pynkylla noh ya ki Autonomous Distirct Councils (ADC) hapoh ka jylla cha ka Garo Hills Autonomous Territorial Council (GHATC), Khasi Hills Autonomous Territorial Council (KHATC) waka Jaintia Hills Autonomous Territorial Council (JHATC) neidaw wa kini ki ADC wa em katni da krehkaam ki ym du hapoh ka wi ka District.

Hapoh ka GHATC u pynku na 30 cha 42 tylli Constituency, ha KHATC naka 30 cha 40 katwa ha JHATC na 30 cha 34.

Share this:
Previous

Emkaam wow yohbor na ka MCMC chwa wow pynmih ya ki kyntu paidbah wa yatoh wa ka Election MP

Next

Da em hadooh 1200 tylli ki mukotduma ya kiwa tih mooyong tooh nadooh wa khang: Conrad Sangma