U Montri Rangbah ka jylla, u Conrad K Sangma da ong u wa da yoh yutip wa ki kattu katni ngut ki khynnah ka jylla da lait ki na u pood ka ri Ukraine wei katni em ki ha i thaw wa rap chngaaiñ, da pyntip u wa da yaklam u cha Delhi wa u Foreign Secretary ka sorkar India hajrong i em kiwa chong chnong ka jylla kiwa da sahkut ha Ukraine kawa em hapyrdi ka thma wa ka Russia.
Ha ini i yachem da pyntip u wa da ekti u ya ki pyrtuid kini ki khynnah ka jylla kiwa em palat 30 ngut ha Ukraine, wei da pyntip u leh wa ynne ka sngi da em ki khynnah na ka jylla kiwa da lait na u pood ka Ukraine wei da em ha ki ri wa chajan kiwa rap chngaaiñ.
U Montri Rangbah da ong u leh wa dang booddien u ya kini ki kaam wa u Montri ki kaam baar ri wa kamjooh leh wa u Foreign Secretary ka ri India, wei dang yaklam u wow pyntikna wa waroh ki khynnah u yoh ki u liwan suk cha jylla.
