U SP ka East Jaiñtia Hills District, u Deepal Palecha da pyntip u wa da em ki bru wa suba ki pulit wa emkti wow pynyap yaka khynnah ha i thaw wa em ha chnong Sohkymphor.
Da pyntip u wa ki Dog Squad leh da poh ki ha ini i thaw wa jia wei da yoh kse, wei ya ini dang booddien ki pulit.
Da pyntip u leh wa kiwa chong chnong kamjooh kiwa hayung hasem kani ka khynnah da thooh ki yaka wei hadien wa chem yaka da pyntip ki cha ki pulit ynnin ka sngi hadien wym em liwan yung ko manda wai skur.
Kani ka khynnah toh kawa lai skur ha Tia Chaphrang Higher Secondary School wei da suba toh kawa da chah pynyap deiwa ah rdang yaka hadien wa chah slaitbor ko ha iwi i khloo ha Sohkymphor.
Kani ka khynnah toh leh ka khonswet kawa ri da ka bei khian yong ka.
Ini da suba toh iwa jia haka 16 tarik hadien wa kani ka khynnah ym em poi yung ko hadien wa wai skur heiwa da sdang wow thooh yaka tangwa da chem yei metyap ynnin i step ka 17 tarik heiwa ka muna kot, ki kot skur, ki tiar wa thied ko na yaw da chem najan i metyap.
