Shillong: U montri rangbah ka jylla, u Conrad Sangma ynne da wai u ya ka Higher Secondary (Arts) Section yong ka Shillong Public School, Shillong hei emlang u montri ka chnat i puræ puthi u Lahkmen Rymbui.
Hawa klam ha ka lyngkhooh dap snem rupa u Conrad da ong u wa ka sorkar da kheiñkor ko yei stat i tip khnang wow pynmiat pynbha ya ka puræ puthi.
Da ong u leh wa em chiboon i yaphær hapyrdi i puræ puthi ha ki thaw sor wa kiwa cha palat sor heiwa u montri rangbah angnood u wow kyruiñ cha ki thaw puræ wa sih bha ka Result khnang wow ye u e yarap ya ki.
Chooh chooh u Conrad da ong u wa hapoh jylla waroh toh u yoh ki yei esikai wa pura wei hanlada tkoh i yoh poisa ka sorkar jylla yooluti u wow pynmiat wow pynjanai yeini waroh.
Neiliang u monri i puræ puthi, u Lahkmen Rymbui da pynksan u wow pynkylla ya i rukom puræ neibynta ki khynnah ka jylla, khnang wow ye ki u yakhun ha ki Entrance Test wa ha rukom.
Da ong u leh wa duna dooh ka Pass Percentage hapoh ka jylla man ko 36.2% ha ka NEET Exam katwa kamtæ da emkaam wow pynkylla noh ya ki kot ki sla wa kiwi kiwi hapoh ka jylla khnang wow ye ki wow yakhun wa ka ri waroh kawi.
Discussion about this post