Neidaw wa joor u slap uwa da wanrah yei chlai um syndet syndet ha ka thaaiñ Lumshonng ha u sarok NH-6, neiliang ki bor pulit ka East Jaiñtia Hills ynne da khang noh ki ya ini i bynta uni u sarok kat hadooh wa duna ka um wei da man chngaaiñ u lai ki kari.
I khang wow lai toh neibynta waroh ki jait kari neidaw wa joor khlanbor ka um wa kai najrong u sarok.
Ha iwi won i liang, ka Joint Action Committee (JAC) yong ka chnong Umkiang, Ratacherra, Dona Skur, Dona Umbluh, Pyrtakuna, Kuliang, Borsora wa Tongseng da dep ki leh wow chim da ka rai wow khang ya u sarok NH-6 nadooh ka 19 tarik uni u bnai nadooh 7:00 waje i step kat hadooh wa pynchna noh ya uni u sarok.
Ini i khang sarok wa khlem da booh por da ka JAC toh nadooh na Malidor hadooh Tongseng kiwa dang haap hapoh ka Elaka Narpuh, East Jaiñtia Hills District.
Da khut ki leh yei ya krehlang yong ki paidbah hadooh wow ap ka sorkar, ka NHAI/NHIDCL yeini i dawa pynchna noh ya uni u sarok.
Discussion about this post