Shillong: Ki montri ka jylla Meghalaya ynne ka sngi hadien wa kut ka yalang (Cabinet Meeting) da chim ki ya ka rai wow pynkrehkaam da i bor ka sngi (Solar Energy) neibynta kiwa sah cha ki thaiñ palatchnong ki wym pu yoh bordiñ na ka sorkar hadooh katni.
Kani u leh deiwa krehlang waka sorkar pyrdi hapoh ka scheme Deen Dayal Upadhyaya Gram Jyoti Yojana (DDUJY) wei ya ka poisa u bah khlieh ka sorkar bei 85% katwa ka sorkar jylla won u e ko 15%.
Hei yaklam wa kiwa thoh khubor u Montri Rangbah ka jylla u Dr. Mukul Sangma da ong u wa kani ka scheme toh wow pynyoh bor diñ cha ki shnong kiwa ym pu yoh light kamjooh leh kani ka scheme leh daw pynbiang ko ya ki Street Light.
“Yow pynkrehkaam ya kani haap ya soi soskular ka le liang mamla hapydri ka sorkar pyrdi, ka sorkar jylla wa ka tnat Meghalaya Non-Conventional and Rural Energy Development Agency.” da ong u Dr. Mukul.
Da ong u leh wa ka sorkar da pdiang ko wow pynkrehkaam ya kani ka scheme du hadien wa da biang i sñiawthooh ha ki man samen ki.
Discussion about this post