Jowai: Ka Meghalaya Bharat Scouts & Guides WJHD yong ka Jingshai Mihngi Adventist Secondary School, Mihmyntdu Unit da pynman ko yaka sahmiet wa nyngkong namo ka 1st Over Night Camping ha Madan Lariang, Ialong kawa em harood yong ka wah Myntdu ha kani ka 19 tarik uni u bnai.
Ya kani ka sahmiet da leh hajrong ka thong wow hikai ya ki khynnah Scouts & Guides yow tip ki chaphang ka First Aid, kammon u leh hawa iñ yung, wow chet baam deiwa pynemkaam ya ki mar wa e ka rymaw, wa kiwi kiwi.
Ya kani ka sahmiet da yahkhmat da ka Siami Shylla (Guide Captain, HWB Holder) wa u S. Edward Shylla (Scout Master) chirup wa kiwa sikai kani ka skur kiwa kynthup ya u Badashisha Pohshna wa u Fererate Dkhar.
Ha kani ka sahmiet da embynta ki khynnah hadooh 10 ngut ki Scout wa 11 ngut ki Guide.
Ya i lut i sep ha kani ka sahmiet i lai i wan da pyllut da ka skur katwa iwi i lut i sep nawon da kynchiap da ki Scouts and Guides Unit.
Heipor miet da em ka Campfire namo i thang diñ heiwa kini ki khynnah da yohlaad ki wow pynyoo ya ka sap ka yong ki harood i tpai diñ.
Discussion about this post