Da i soi pyrtuid wow pyrchah yei leh u Lat ha Raj Bhavan

Shillong : Ka seiñ TUR hadien wa mih ki khubor wa u lat ka jylla u V. Shanmuganathan da em kti u ha kiwa boon ki kaam wa pyrchah ya ki kynthai, ynne ka sngi ha khmat ka Raj Bhavan, Shillong da pynman ko da ka Signature Campaign yow dawa yow kyrriah noh ya u lat kamjooh yow pynchitom ya oo ya waroh iwa da leh bakla u katkam ka aiñ.

Ynne ka sngi leh toh ka sngi wa wai paidbah ya ka Raj Bhavan heiwa da yoh ki paidbah u psiah cha kiwa boon ki bynta kani ka yung.

Da wan kamwa 400 ngut ki bru wa soi pyrtuid wow kyrchaan yei dawa wow hiar chuki noh u lat ka jylla.

Neiliang ka TUR da pyntip ki wa daw pteiñ ki yeini mynstep wei ym ye ki u pdiang yei roi ki kaam pyrchah ya ki kynthai hapoh ka jylla wei ya ki pyrtuid wa soi ki paidbah daw phah cha u President ka ri.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025