15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da jan dap 200 tylli ki sniang wa yap na ka ASF ha Meghalaya

Advertisement ad1
Advertisement ad1
Advertisement ad1

U Director ka chnat Animal Husbandry & Veterinary ha ka jylla Meghaalya, u Dr. KB Sahkhar da pyntip u wa ki sniang kiwa da yap kjut ha ka jylla nadooh u Naiynru, 2020 hadooh katni da em ki 800 tylli, wei na kini da pyntikna wa kiwa yap na i chah ktah ha ka African Swine Fever (ASF) em ki hapoh 200 tylli.

Da pyntip u wa ki thaw wa rap joor i chah ktah ha ka ASF toh ha Ri-Bhoi District, wei em leh ha East Khasi Hills wa kiwi ki District ha ki kattu katni ki thaw, katwa ha Jaiñtia Hills ym em yoh yutip wa em i yoh kjut ki sniang ha kini ki 3 bnai wa da dep.

Advertisement ad1
Advertisement ad1

Hawa yaklam ynne ka sngi, u Director da ong u wow pyntikna ya i daw i yap, ka chnat daw hap ko wow yang ya ka Report na ka Northeast Regional Diagnostic Laboratory kawa em ha Guwahati, hanla kattæ leh neiliang ka chnat ym yang ko hadooh wow yoh Report tangwa daw pyrchang wow yada na i kjut.

Hawa kylli da pyntip u wa ha u snem wa da dep, ka sorkar da khang ko wow wanrah ya ki sniang na baar ka jylla, tangwa hadien wym em de kiwa yoh kjut, ha u Kmaichonglad (Dec) 2020 da chah biang wow wanrah ya ki sniang na baar ka jylla, heiwa kiwa khayi sniang toh u pynbiang ki leh ya ki Certificate na ki Doctor yong ki thaw wa da wanrah yow pyntikna wa man kiwa biang wow baam.

Hawa yatoh yei sdang wow ku biang ki sniang kiwa yoh kjut ha kini ki kajiak sngi, u Director da ong u wa hadooh katni ym pu ye wow pyntikna wa toh ka African Swine Fever, wei ka chnat daw chong bichaar biang la emkaam wow khang biang chwa ya i pynpoi ya ki sniang na cha baar ka jylla.

U Dr. Sahkhar da ong u leh wa ym em i maa wow baam yei doh sniang tangwa emkaam wow chet hadooh wa ih bha, heiwa da kyntu leh ya kiwa chong chnong kiwa ri sniang wa ym toh wow lai na iwi i thaw cha iwi i thaw wa ri sniang wei wow yada nei yabi kjut.

Share this:
Previous

339 ngut kiwa dang yoh wa 204 ngut kiwa chait na u COVID-19 ha Meghalaya

Next

Da rai wow khang noh chwa ya ki kattu katni ki yaw ha Laskeiñ C&RD Block