15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da rai wow khang noh chwa ya ki kattu katni ki yaw ha Laskeiñ C&RD Block

Advertisement ad1
Advertisement ad1
Advertisement ad1

Hadien wa pteiñ i ku kiwa chah ktah ha u khñiang khlam COVID-19 hapoh ka jylla wa ka West Jaiñtia Hills waroh kawi, neiliang ki bor District da pynbna ki ynne wow khang noh chwa chipor ya ki yaw kiwa em hapoh ka Jowai khamtam ha Iawmusiang.

Hajrong ini waroh neiliang ki bor pynlai ka District da ebor ki ha ki jar-jiar ki Market Management Committee wow leh yeiwa emkaam khamtam wow pynbor ya ki paidbah kamjooh leh kiwa chongdai dukan wow bood ki ya ki kyndon yada na kani ka khlam.

Advertisement ad1
Advertisement ad1

Heiyatoh wa ini waroh, neiliang ki Market Committee kiwa boon kiwa em hapoh ka Laskeiñ C&RD Block da chim ki ya i rai wow khang nong chwa ya ki yaw chnong kiwa em hapoh i pynlai yong ki.

Ki Committee kiwa da chim yei rai wow khang noh chwa chipor ya ki yaw toh na ka chnong Changpung Pohchnong heiwa da rai wow khang noh ya ka Yaw Muchai.

Hawa yaklam wa u waheh chnong ka Shangpung Pohchnong, u M. Rabon da ong u wa i daw hi wa chim ya ini i rai toh wow yada nei poor kani ka khlam kjut.

Neiliang u P. Laloo uwa man u waheh chnong ka Sahsniang B, da ong u wa da rai wow khang noh chwa ya ka yaw ha Sahsniang nadooh mynstep ka 5 tarik wei ympu ye wow chim ya i rai kat mynnu u wai biang neibhah ini waroh chong i katkam wa yah i por.

U Dolloi ka Elaka Raliang, u C. Lyngdoh da pyntip u wa katkam wa man hi ya ka yaw ha Raliang kawa da toh wow man ha kani ka 6 tarik da rai wow khang chwa ya ka ha kani ka sngi wei ya ki sngi wow wan daw chim rai won katkam wa yah i kaam.

Kiwi ki yaw wa da rai wow khang daw pyntip won katkam wa yoh yutip na ki.

Share this:
Previous

Da jan dap 200 tylli ki sniang wa yap na ka ASF ha Meghalaya

Next

Da toh pynhaap ya kawi ka snieh-poisa hawa lai na Mihmyntdu cha Jowai