Da jied ya ka Draupadi Murmu kam ka President wa 15 ka ri India

I lakha ya ki vote yong ka Election President ka ri India da pynman ya ka ynne ka sngi heiwa da em ar ngut ki kyrtong kiwa kynthup ya ka kyrtong ka NDA, ka Draupadi Murmu wa u kyrtong ka liang pyrchah, u Yashwant Sinha.

Ya kani ka Election da pynman ha ka 18 tarik uni u bnai, heiwa ki MLA ki jylla wa ki MP ka ri da chimbynta ki wow jied President.

Ynne ha i lakha ya ki Vote ka Draupadi da yoh ko palat yeiwa emkaam wow man kam ka President ka ri. 

Ka Draupadi u man ko leh ka kynthai kawa ar ha ka ri wow ksoh ya ini i kyrdan hadien yong ka Pratibha Patil kawa man President nadooh 2007 hadooh 2012.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heiyatoh wa ini i chah jied ka Draupadi Murmu, neiliang u montri rangbah ka jylla, u Conrad Sangma da ong u wa man ko ka sngi wow sah khana parom ya waroh ki jaitbru ri-loom.

Da kynmoo tamdien u leh ya u pa yong oo, u (T) Purno A Sangma uwa da jooh man leh kam u kyrtong President ka ri ha u snem 2012, heiwa da ong u wa daw dap u (Purno) dei mynsien wa kmen lada em u heini katni.