Jowai: Katkam ka khubor na u General Secretary yong ka UDP Mowkaiaw Circle u Onyx Suchiang. Da pyntip u wa ynne ka sngi da em ka yalang paidbah ha ka chnong Barato neibynta wow jied ya kiwa kitkaam yong ka UDP 12-Barato-Mukroh Constituency hei emlang u President yong ka UDP Mowkaiaw Circle u EC Dkhar.
Ha kani ka yalang kiwa kyrchaan yong ka Party UDP da jied ki ya kini hawah kam kiwa kitkaam neibynta wow pynkhlan ya ka Election MDC 2019.
Chairman-Darling Bhoi, Secretary- Jelly PascalBiam, ki Dkhot Arlyio Sungoh, Tura Shadap, Damon Sten, Armi Dkhar, Emi Ren, Prajan Sayoo, Phunburom Synnah, Ioh Synnah.
Ya kini kiwa kitkaam da pynskem ya ki da u President yong ka UDP Mowkaiaw Circle uwa da kyntu ya waroh kiwa kitkaam wow man ki kiwa chitrhem wow kreh wei wow em ka mynsien kawa sñiawkhian, u kreh hok haka imlang sahlang khlem em ka mynsien arsap ya kiwon kiwon wa i mynsien lehchiliang.
Da ong u leh wa sñiawdiaw u wow pait wa ha kani ka thaaiñ man ko kawa dang sahdien bha ha waroh ki liang khamtam u sarok, ki skur, ki umbaam umdih wei da emkaam ya ki paidbah wow khyrngiat thiah noh ki wei wow pyrkhat jngai ha kani ka Election MDC 2019 deiwa jied kyrtong uwa em i bahkhlieh u wow krehchitom neibynta ki paidbah.
Discussion about this post