Da jied ya kiwa kitkaam wa chipor ka Council of Traditional Chief & Headmen

Shillong: Ka dorbar wa nyngkong dooh yong ki khlieh synchaar chnong, ynne ka sngi da iwi i sur da mynjur ki ya ka Council of Traditional Chief and Headmen (CTCH), Rule 2018 wa kawa yoh leh wow jied ya kiwa kitkaam wa chipor ka CTCH.

Ya kani ka yalang da pynman da ka KHADC wei da wan chim bynta da ki hajar ngut kiwa kynthup na ki Syiem, ki Lyngdoh, ki Sirdar ki Wahadadar wei kamjuh ki Rangbah ki chnong waphær waphær kiwa hap hapoh u pood u ang wa synchaar ka KHADC kawa pynman ha Madan Student Jaiaw.

Ha kani ka yalang da yoh leh wow jied ya kiwa kitkaam wa chipor (Adhoc) yong ka Executive Dorbar yong ka Council of Traditional Chief and Headmen (CTCH).

Neiliang yong u HS Shylla, CEM ka KHADC hawa klam ha kani ka Council of Traditional Chief and Headmen, Rule 2018 da ong u wa “Phi em phi ka bor wa khroo wow klam cha ki dorbar chnong khamtam ya kiwa sih kiwa da roi katni kam i roi i dih Drugs wa i chah slaitbor ki kynthai wei chong ha phi wow pynsniawthooh paidbah wow kiar na ki kaam wa sih,” ong u Shylla

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Lyngba yong kani ka Executive Dorbar yong ka Council of Traditional Chief and Headmen da rai leh wow yaklam leh yei dai ya ka Vote ha ka por Election wei emkaam wow sñiawthooh wa ymye u dai wei wow thied ya ka Vote.

Neiliang u Shylla da pynbna u wa da noh kyllooid u T. 1 lak cha ka Executive Dorbar yong ka Council of Traditional Chief and Headmen wow sdang noh ki u krehkaam.

Kiwa kitkaam wa chipor yong kani ka Executive Dorbar yong ka Council of Traditional Chief and Headmen kynthup ya u Chairman- u Niandro Syiemiong uwa man u Syiem yong ka Hima Maharam, Vice Chairman ar ngut wa kynthup ya u Boldness Nongum uwa man kam u Montri ka Hima Nongkhlaw, u Kynsai Lyngdoh uwa man u Rangbah Shnong ka chnong Mawlai Iewrynghep uwa man leh u President yong ka Mawlai Town Dorbar, Secretary- u Ainam Manik Syiem uwa ma u Acting Syiem yong ka Hima Mylliem, u Joint Secretary uwa man u Lyngdoh yong ka Lyngiong wa u Treasurer u Dr. Balajied Sing Syiem uwa man leh u Syiem yong ka Hima Khyriem, wa 8 ngut dkhot wa mihkhmat da ki Syiem wa ki Lyngdoh wa sa 6 ngut ki dkhot kiwa man kam ki Rangbah Shnong.