U MDC ka Mawphlang-Diengiei, u Lamphrang Blah ynne da chah jied u kam u Chairman wa thymme ka Khasi Hills Autonomous District Council (KHADC) khlem em wa yieñ yaleh pyrchah.
I pynbna wa da jied ya u Blah kam u Chairman da leh da u Deputy Chairman, u Alvin K. Sawkmie ha ka dorbar kyrpang wa da pynman chi sngi.
Ya u Chairman wa thymme da synraan lang da u CEM, u Titosstarwell Chyne, uwa yahkhmat ka Liang Pyrchah, u Pynshngain N. Syiem wa u Chairman warim u Pyniaid Sing Syiem yow lai chim u ya chuki u.
Kam wow pynkynmoo wa ka liang pyrchah Congress da rai ko wym yakhun ya kani ka Election jied Chairman.
Hachwa ini, u Pyniaid Sing Syiem uwa man leh kam u MDC ka NPP na Sohryngkham da ieh u ya ka chuki yow wailaad ya u Blah.
Ini toh ka sien wa nyngkong wa u MDC ka Mawphlang-Diengiei u man u kam u Chairman nadooh wa da dep chah jied MDC u ha u snem 2004.
U Blah da jooh man u leh kam u Executive Member wei uwa yahkhmat ka Liang Pyrchah ka Council.
