Ynne ka sngi wa khaddooh yong ka Dorbar Mang Tangka ka JHADC, da pynman ya i jied ya u Dy. Chairman ka Council heiwa da em du uwi donhi u kyrtong wei utæ toh u Wailadameshwa Siangshai uwa man u MDC na Musniang Rangad Constituency.
Hadien wa chah jied u khlem em wa yaleh pyrchah, da yoh ki kyntien kitbok na u CEM ka Council, u Thombor Shiwat, u Dy. CEM, u Lasky Rymbai, uwa yahkhmat ka Liang Pyrchah u Andrew Shullai wa kiwi.
U Chairman ka Council, u Dr. Sankey Shangpung hawa e khublei da ong u wa u Wailadameshwa toh u MDC wa jop da kiwa boon dooh ki Vote hapoh East Jaiñtia Hills ha ka Election MDC wa dadep.
Kiwa kitbok da kyrpaad ki leh ya u Chairman wow e laad teiñ teiñ ya u Wailadameshwa wow pynlai ya ka dorbar ha ki por wow wan.
Discussion about this post