U Lahkmen Rymbui uwa man u Montri ka chnat ki Kaam Pohyung ka jylla, da ong u wa ka sorkar jylla da yakhun joor bha ko wow pyndoohjait ya i Drugs hapoh jylla, heiwa da ong u wa ymdu ka Assam næ ka Meghalaya, tangwa waroh yakhun lang ki wow poi cha ka thong wow pyndoohjait ya i Drugs.
Kam wow kdaw heini, ki pulit ka Assam da kem ki ya ki 2 ngut ki bru ha Assam kiwa toh na ka ri Nigeria heiwa da suba wa toh kiwa khayi Drugs hadien wa yoh na ki 20 Grams i Cocaine na Railway Station, heiwa da khana wa ya ini i drugs toh u pynpoi cha Shillong.
Hawa kylli, u Lahkmen da ong u wa ki pulit ka jylla neipor cheipor da kem ki ya ki bru wa emkti ha ki kaam khayi Drugs heiwa da kem leh boonjait kini ki mar dih pynmuaid.
Heijooh i por da ong u wa ka jylla Assam wa kiwi ki jylla da leh ki wow pynlait ya ka thaaiñ waroh na i pynemkaam Drugs wei kamjooh leh wow yada ya ka thaaiñ wow man kam ka luti wa lai ini i mar.
