15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da ka Ambulance e sñiawbha u Wailadmiki Shylla cha ka WJSWO

0 Comments
Advertisement ad1

Jowai: Ynne ka 28 tarik Naichiphaw u man ko ka sngi wow sah khana parom ya ka seiñ War Jaiñtia Social Welfare Organisation, Jowai heiwa da yoh ko ya ka Ambulance wa da e sñiawbha da u Wailadmiki Shylla uwa man leh u kyrtong MLA ka NPP na Jowai Constituency.

Ha ini i e sñiawbha da em ka yalang wa tbian ha Yungwalieh ka Tpep-Pale, Jowai heiwa ya kani ka yalang da pyllai da u President ka seiñ u D. Pohchen.

Da yoh yei klam na kawi na ki manbei ka Lugretia L. Syngkrem kawa da khana ya i eh i khoo wa yachem ki paidbah khamtam na ka thaiñ War Jaiñtia kiwa hawa wan chah sumaar cha Jowai wei heipor wa kit ya i metyap kiwa da khlaad cha chnong.

U Wailadmiki hei klam yong oo da ong u wa heini i por manda psiah u cha yung ki bru wow paan yarap boon kiwa tieñsar ya boi man u kam kiwi ki kyrtong kiwa joor du i kular, tangwa oo won ymtoh u bru wow kular donhi tangwa u man u leh u wow kreh da ki kaam.

Da e yaroh u yei yatylli ki bru ka War Jaiñtia wei i yalok u wa ki leh man i iwa da rap slem kamtæ da e sñiawbha u ya ka seiñ da kani ka Ambulance.

Heijooh i por da kyntu u ya ki wow yakerhlang chirup khnang wow ye u wanrah yei roi i paar hapoh ka imlang sahlang ym du ya ka thaiñ War Jaiñtia tangwa ya ka ri-loom Jaiñtia hi waroh kawi.

Da pynkut ya kani ka yalang da ki kyntien khublei na u Amos Khonglah uwa man leh kam u General Secretary ka seiñ.

Ki No. Phone kiwa ye u phone hawa emkaam ya kani ka kari toh 9436566288 / 7630000920 / 96157732213.

Advertisement ad1

0 Comments

Leave a Reply