Da ka Bike Rally pynman ka BJP kam wow lehkmen ya ka sngi laitlooid ka ri

Shillong: Ka Bharatiya Janata Party Meghalaya Pradesh deilang wa ka Bharatiya Janata Yuva Morcha (BJYM) ynnin da lehkmen ki ya ka sngi laitlooid wa 71 ka ri.

Heipor 9 waje i step u President ka BJP Meghalaya President u Shibun Lyngdoh da pynhær u ya ka lama ka ri ha yungkrehkaam ka BJP wa em ha Oakland Biver Road, Shillong.

Hadien wa pynnhær ya ka lama da rwai ya ka National Anthem wei da yoh ya ki klam na kiwa boon ki dkhot ka seiñ chaphang ki khlawait ka ri wei da kynmoo yei wa da leh ki neibynta ka ri.

Hadien ini da em ka Bike Rally wa pynman da ka BJYM ka tnat khynroo ka BJP heiwa da em da ki spah ngut ki dkhot ka BJYM wa uiñ ki da ki thuk thuk deilang wa ka lama ka ri wa ka lama ka BJP.