Da ka Bill wow yoh pateiñ lang waroh ki khon wanrah u CEM ka KHADC

U Chief Executive Member ka Khasi Hills Autonomous District Council (KHADC), u Titosstarwell Chyne da wanrah u ya ka Khasi Hills Autonomous District (Khasi Inheritance of Property) Bill, 2021 neibynta wow pynyoh lang kat jooh yeiwa em yong ki bei ki pa ya ki khon Khasi wa pura.

Hawa pynche hapoh ka Dorbar Synrai hajrong kani ka aiñ wa ka KHADC da wanrah ko, u Titosstarwell Chyne da ong u wa i wanrah yong ka Council ya kani ka Bill toh ha i rukom yoh pateiñ i em yong ki bei ki pa, khamtam neibynta kitu kiwa em du ki khon chynrang wei ki wym em khon.

Da ong u wa em ki khon chynrang kiwa sumaar hi ya ki bei ki pa, tangwa manda ki bei ki pa da khlaad noh ki, ki dooh noh ki yei hiar pateiñ ha i em i yoh neibhah wa chah knieh noh ha ki kur. U CEM da ong u wa kani ka Bill daw yada ko nei chah knieh ha kiwa ha yung ha sem lada toh ka yung kawa yap lut, neibhah hawa khlaad noh ka bei wa u pa, ki kur da jooh knieh ki yeiwa em ki khon neibhah ym em aiñ wow yada nei chah knieh.

Da ong u leh wa kani ka aiñ daw e bor ko leh ya ki dorbar chnong wow man ki kam kiwa sakhi hawa yatoh wa i saam yei thaw i bhaw cha ki khon, heiwa daw yada ko nei chah nioñ beiñ.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

U Titos da ong u wa da mih chiboon ki kynrum kynram hawa yatoh wa i yoh pateiñ, heiwa da em leh boonsien wa chi yung chi sem kiwa mih wow yaleh mukotduma neibynta wow yoh pateiñ, wei kini kiyi kiyi da pynman ya ka Council wow wanrah da ka aiñ neibynta wow kdoh u khoom yow bha u miat lang khlem da leh chiliang ya ki khon kynthai næ chynrang, tangwa da pyntip u leh wa ha kani ka Bill da e laad leh ha i mon ki bei ki pa wow e bhah ya kiwa toh u yoh pateiñ.

Chooh chooh u CEM da ong u wa kani ka aiñ daw khanglaad ko yei yoh bhah lada em ki khon kynthai næ chynrang kiwa leh tam næ kiwa yaleh pyrchah ya ki bei ki pa, daw khanglaad leh ya ki khon kynthai kiwa yoh kurim khyllah jait wa kiwa lai bood ya ki riti dustur ki khyllah jait, hawa kam kini ki khon ym em hok de ki wow yoh yei bhah ki bei ki pa.

U Titos da ong u leh wa katkam ka dustur ki Khasi boonsien da jooh chem wa ya ka pateiñ namo iwa em ki bei ki pa da yoh da ka khon khaddooh, katwa ki khon nyngkong, ki khon pyrdi leh ki sumaar ki ya ki bei ki pa.