15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Da ka Curfew ha Guwahati wei da pyndooh Mobile Internet ha ki 10 District ka Assam

0 Comments

Ha Guwahati da pynkrehkaam daka Curfew, wei ki Mobile Internet Service daw pyndooh ki ha ki 10 tylli ki District ka Assam da 24 kynta nadooh 7 waje ynne i miet, hadien wa ki hajar ngut ki paidbah da mih ki wow pyrchah yaka Citizenship (Amendment) Bill (CAB).

Kani ka Curfew toh ka wow neh hadooh wa yoh biang ya i chong suk kawa sdang nadooh 6:15 ynne i miet.

Da em leh i ya tyngkhooh hapyrdi ki pulit wa ki paidbah wei ka yakhih da man ko kawa joor bha, hadooh wa u Assam Chief Minister, u Sarbananda Sonowal da sahkut u hapoh ka Guwahati Airport ynne ka sngi heipor wa pynman leh yaka yatai hajrong ka CAB hapoh ka Rajya Sabha hadien wa da mynjur yaka hapoh ka Lok Sabha. Ya u Sonowal da ye wow pynpoi ya oo cha yung sah heiwa boon ki thaw wa em ha Guwahati da sariem ki kamwa em thma.

Ki pulit da siat ki da ki kuli thylli (Blank Shot), da pynemkaam ki ya ki Tear Gas wa ki lathi ya kiwa mih wow pynyoo yei pyrchah, wei kiwa boon toh ki khynroo ha kiwa boon ki bynta ka Guwahati, Assam kiwa thmu wow lai cha ka nongbah ka jylla ka Dispur. Da em leh boon kiwa mynsoo nei leh ki pulit kamjooh leh boon ki kari da chah thang ki.

Ki yakhih da jia ki ha Jorhat, Golaghat, Tinsukia, Sivasagar, Bongaigaon, Nagaon, Sonitpur wa ha kiwi ki District nadooh i step.

Ka Gauhati University, Cotton University wa Dibrugarh University da kyrriah tarik ki ya ki Exam yong ki wa thmu wow pynman ynne ka sngi.

Ka Northeast Frontier Railway da hap ko wow pyndam leh ya kiwa boon ki train wei wow kylla por ki kiwa mih napoh ka jylla.

Ka sorkar pyrdi da phah ko ya 50 Company ki Paramilitary Forces cha Assam.

Previous
Next

0 Comments

Leave a Reply