Ka bei u Raja Raghuvanshi, ka Uma Raghuvanshi hadien wa mih ka khubor wa da wan pyndem ka Sonam, da ong ko wa kitu kiwa emkti toh u yoh ki yei pynchitom deiwa pynyap ya ki.
Da ong ko leh wa lada ka Sonam leh ko yeini, ka leh toh u chah pynchitom ko deilang.
Da pyntip ko leh wa ka Sonam toh ka bru kawa biang kawa bha wei ym jooh em leh ko iwon iwon iwa sih pyrchah ya ki wei da sñiaw eh bha u ngait wa leh ko yeini neibhah wa man ko kam ka khon ki.
Chooh chooh da ong ko wa ym tip ki wa em iyi iyi wa sñiawphær wot ha ki por wa yoh ki wow yaklam wa ki chwa wow jia ini waroh tangwa lada toh ka Sonam wa leh yeini wow phah pynyap ya u Raja, ka leh toh u yoh ko yei jooh i pynchitom deiwa yoh ya ka “Death Penalty”.
“Tangwa lada ym em emkti ko ymtoh wow pynbaad hi-eh ya ka neibhah nga kheiñ O ya ka kam ka khon wei man ko leh ka bru wa bha,” da ong ka bei u Raja.
Da phla ko leh wa u Raja da chah pynbor u wow lai cha Meghalaya da ka Sonam wei da thied hi ko ya ki Ticket khlem da pyntip ya kiwon kiwon.
Discussion about this post