Da ka Death Penalty yoh ki 10 ngut kiwa pynyap ya 27 ngut deilang ki heh ka Congress

Ka yung bichaar wa kyrpang ka National Investigation Agency (NIA) wa em ha Jagdalpur ka jylla Chhattisgarh da rai pynrem ko deiwa phah pynyap (Death Penalty) ya waroh 10 ngut kiwa da emkti hei jia ha u snem 2013 kawa da tip kam Jheeram Ghati Attack heiwa da em 27 ngut kiwa yap wa kynthup ya ki heh ka Congress wa kynthup ya u Vidya Charan Shukla, u Nand Kumar Patel wa u Mahendra Karma.

Ini da jia i ha ka 25-05-13, wei kini ki 10 ngut wa chah rai pynrem toh ki dkhot ka Communist Party of India (Maoist) kiwa da tympdung ya u Landmine heipor wa em 20 tylli ki kari wa lailang wa kini ki heh ka Congress wei deiwa khang ya ka sarok da siat ki naphang wei kawang Grenade ki hadooh wa yap 24 ngut ha ini i thaw wa jia wa kynthup ya ki pulit katwa 35 ngut won da mynsoo ki.

Da em leh le ngut kiwa yap hadien won neidaw wa joor mynsoo wa kynthup ya u Minister warim ka sorkar pyrdi, u V.C. Shukla.

Kini kiwa siat da tooh ki leh 9 tylli ki AK-47 Rifle, 7 tylli ki INSAS Rifle, ar tylli ki suloi SLR wa 4 tylli ki Pistol 9mm wa ki Magazine na ki pulit wa chah siat.

Related posts

Pynkut uwa lait puræ IIT Bombay yei mynsien hadien wa chem wa leh thok u heipor wa thoh Exam

September 19, 2026

Pynhiar tput u diah deiwa pam hadooh wa yap ya uwa pynyap ya ka payu

September 19, 2026

Kini ki kari heipor wa jia ini toh kiwa lai chimbynta ha ka Parivartan Yatra ha Jheeram Ghati, Darbha District ha u sarok NH-221.