Da ka Drama tbian pynsñiawthooh ka Urban PHC Loomkyrwiang hajrong ka kjut TB

Kam chibynta ka World Tuberculosis Day, ka Urban Primary Health Centre, Loomkyrwiang Jowai, ynne ka sngi da pynsñiawthooh paidbah ko hajrong ka kjut TB deiwa pynman i lehke Drama wa tbian namo ka Street Play hajan ka skur H.K. Singh Memorial Secondary School Jowai, hei sakhilang ki khynnah skur kamjooh kiwa chong yaaw chong haat.

Ha kani ka Drama tbian kawa hajrong ka phang, “Yes We Can End TB” ki ASHA wa da chimbynta da kyntu ki ya ki paidbah wa hawa em ya ki dak ki chin kam i khai kyoh wa neh hadooh ar tayaaw, toh u li mih phah pait phah Check smat smat cha ki thaw e sumaar khang yow lait ko u joor næ bi cha kiwi, wei ya ki dawai wa e ki Doctor leh toh u dih tikna katkam i por wa da booh.

Da ong ki leh ymtoh u niawliar lada em hei dooh i duk neibhah nadooh wow leh Test wow sumaar toh deiwa mynkna najrong wa ye leh u yoh ka bai baam wa Rs. 1000 chi bnai manda kut i por dih dawai.