U DC ka East Jaiñtia Hills District da pyntip u wa ka sorkar India lyngba ka Ministry of Civil Aviation ha ka 25 tarik u August, 2021 da pynkrehkaam ko ya ka Drone Rules, 2021 hapoh waroh kawi ka ri.
Kani man ko ya kiwa pynhær cha suiñ da ki kor kiwa khlem em bru hapoh (Unmanned Aircraft System) wei da yabhah ki dei khia wei i bor yong ki wow kit.
Ini mut i wa lait na ki bru kiwa em ya ka Remote Pilot License kiwa da em pyrtuid hapoh ka Digital Sky Platform wow ye wow pynhær ya kini ki Unmanned Aircraft System wei manda pynhær leh toh u yoh bor chwa.
Kamtæ i pynhær Drone hapoh ka District khlem da yoh bor man ko kawa da khang wei ye u chah pynchitom katkam ki kyndon ki aiñ wa da em.
U DC da phah u ya kiwon kiwon nadooh ki bru samen, ki Company wow paan bor chwa ki chwa wow pynhær ya ki Drone kamjooh wow leh ya ka Drone Survey ha kiwon kiwon ki bynta ka District.
Discussion about this post