Da ka Healthy Baby Show pynman ka Loomkyrwiang Urban Primary Health & Wellness Centre

Ka Loomkyrwiang Urban Primary Health Centre, Jowai kam chibynta ka Breast-Feeding Week 2024, ynne da pynman ko ya ka Healthy Baby Show.

Neiliang ki manbei manpa dei sñiaw chongchit wei deiwa ka-it ya kani ka yakob, da wan ki wow yah ya ki khon yong ki wei kiwa ya chimbynta waroh ha kani ka ka Baby Show da em ki hadooh 47 ngut.

Ha ka thong yong ka Breast Feeding Week, ki bor pait bor pynlai ka Loomkyrwiang Urban Primary Health & Wellness Centre wa kynthup yow Dr. Wamehi Suna, Medical Officer In-Charge, LUPHC, ka Mandy Tariang, Staff Nurse wa ki ASHA neibynta wow man ki khonboo kiwa chait wa khiah da klam batai ki leh ya ki manbei chaphang ka Breast Feeding næ i kordor yong i e bu ya ki khonboo, i sylli yei man ki khonboo wei da thaw leh yei khia yong ki.

Ya kani ka Healthy Baby Show da phiah ha ki ar bynta iwa kynthup kawi ya kiwa dang kha hadooh 6 bnai chapoh wa kawi won ya kiwa 6 bnai chaneiñ hadooh chisnem.

Related posts

Sdang ka Woodland WK Hospital yei pynkha khon wa khlem kjut iwa nyngkong dooh hapoh ka West Jaiñtia Hills

March 22, 2025

Pynman ka Jowai City YMCA ya ka Health Camp neibynbta kiwa da heh rta

March 21, 2025

Katkam i bichaar wei pait i sylli bniah yei man ki khonboo wa da wan ya chimbynta, napyrdi kiwa em hapoh 6 bnai, ya ka 1^st Prize da rah da u Yaltis Tang, 2^nd Prize da u Dicky Thmu Lamat katwa 3^rd Prize darah da u Dahun i Lathong.

Napyrdi won ki khonboo wa em 6 bnai chaneiñ hadooh chisnem, ya ka ka 1^st Prize da rah da u Gaddiel Javyn Patlong, 2^nd Prize da ka Johannah E Lamin Suting katwa 3^rd Prize darah da u Eugeneson Lyngdoh.