• About Us
  • Contact Us
  • Privacy Policy
  • Advertise With Us
  • Terms & Conditions
Sunday, June 8, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Home News

Da ka Jaiñtia Joint Alliance sdang ki ar seiñ yow yakrehlang yei bha ka imlang sahlang

Wyrta Staff by Wyrta Staff
June 8, 2025
Reading Time: 4 mins read
A A
0
Share on FacebookShare on Twitter

Ki ar tylli ki seiñ wa kynthup ya ka War Jaiñtia Student Union (WJSU) wa ka Jaiñtia Youth Federation (JYF) ha ka 7 tarik uni u bnai da sdang ki da ka “Jaiñtia Joint Alliance” neibynta wow yakrehlang chirup chirup ya ki mat wa emkaam iwa ktah ya ka mynried kamjooh i bha i miat ka Ri-loom Jaiñtia hi waroh kawi wa kynthup heiyatoh i chait i khiah, i puræ puthi, i lehke Sports wa kiwi ki mat yong ka imlang sahlang kamjooh leh iwa yatoh waka saiñ hima sima.

Kini ki ar seiñ toh kiwa da jooh yakrehlang hi nadooh nachwa wow klam yaki mat yong ka imlang sahlang, ka saiñ hima sima yong ka thaaiñ deiwa sdang ya ka “Joint Action Committee Jaintia” ha u snem 2004.

Ha kani ka kynti won da sdang biang ki u yakrehlang deiwa pynkylla pyrtuid noh da ka “Jaiñtia Joint Alliance”.

Neiliang kani ka seiñ hei yachemlang da yaklam haroh ki heiyatoh wa i jia khlaad kawi ka manbei wa punkhon ha MCH Hospital, Jowai iwa da jia haka 4 tarik uni u bnai deiwa kyntu joor ya ka sorkar wow pynman ko i takit wa khooid khlem da chah chiliang.

Related posts

Yap noh uwi u chipai ka Indian Army wa mynsoo heipor ka Operation Sindoor

June 8, 2025

Leh Live Streaming uwi deiwa maham wow noh najrong yung chwa wow chah kem

June 8, 2025

Ka seiñ chim ko wa ini i jia man kam i iwa leh chynnam neidaw wym chimkhia ki bor wa toh u pait, wei da pynsñiaw ki leh i wym hun ya ka Committee wa thung u Deputy Commissioner, West Jaiñtia Hills.

Da pynrap leh deiwa ong wa lada ka sorkar ym ye ko u pyntikna yei wan kha khonboo ha Hospital u man i iwa chngaaiñ, da toh u dam noh wow pynchlur u lai kha khon cha Hospital. Neibhah lada i kha khon ha yung booh ko hei maa kawa 50%, iyi wow jia won lada ha Hospital pynyoo ko 100% man iwa maa.

Ka Jaiñtia Joint Alliance yieñ tylli ko ha ka thong wow yada yei hok ki paidbah wei wow e mynsien ya ki bru ka Ri-loom Jaiñtia.

Ha ka yalang wa da pynman ki ha yung krehkaam ka JYF ha Jowai ynnin ka 7 tarik, neiliang ka War Jaintia Students’ Union da yahkhmat da u President, u Syndai Swer wa u General Secretary u Everest Langstang katwa neiliang ka Jaiñtia Youth Federation won da yahkhmat da u President, u Ombormi Tariang wa u General Secretary, u Oswal Nampui.

Kiwa yahkhmat kani ka Jaiñtia Joint Alliance wa da jied ha kani ka sngi kynthup ya u Ombormi Tariang naka JYF kam u Chairman ka Jaiñtia Joint Alliance, u Heartcasing Dkhar naka WJSU kam u Co-Chairman, u Everest Langstang naka WJSU kam u Secretary, u Oswald B Nampui naka JYF kam u Joint Secretary wa kiwi.

Ka Alliance da jied ko leh ya u Alban K Gashnga, u Chief Adviser ka WJSU kam u  Chief Adviser kamjooh u Official Spokesperson ka Jaiñtia Joint Alliance.

ShareTweetSendShare
Previous Post

Rah ka Khanduli SC yei naam jop ha ka lympung yalehbol ka Namdong-B

Next Post

Call for Accountability and Reform Following Tragic Death at MCH Jowai

Next Post

Call for Accountability and Reform Following Tragic Death at MCH Jowai

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar