15 49.0138 8.38624 1 0 4000 1 https://wyrta.com 300 0

Da ka “Jowai: My Town, My Pride, My Responsibility” sdang ka yalap Election u Moonlight Pariat
“Nadooh ka sngi nyngkong hadooh wa kut ka san snem u kreh chitom O khlem chongngiah”

0 Comments
Advertisement ad1

Jowai: U kyrtong MLA ka UDP na 2-Jowai ynne ka sngi ha ka yalang paidbah yong oo ha Yungwalieh wa thymme ka Dulong hei klam u da e khublei u ya waroh kiwa da kyrchaan ya oo waroh chi kattu hadooh ynne ka sngi ha ki kaam seiñ saiñ hima.

Da ong u wa ha u 2008 da yoh u kamwa soo hajar tam tylli ki vote, wei ha u 2013 da yoh u phra hajar tam vote iwa mut da ku ka vote u da 110-115 % wei ha kani ka kynti leh yooluti u ku ko kamjooh hi khnang wow poi u cha ka thong i jop.

Advertisement ad1

Ya ki paidbah da kyntu u wa emkaam u jied ki da u bru uwa da ye u kreh, heiwa da pynrap u wa emkaam wow jied ya u bru u wow man u chakri yong ki wei ymtoh manda jop wow man u kam u kynrad yong ki.

Ha kani ka yalang da ong u wa ka Jowai emkaam ko ya u bru uwa chemphang neibhah wa waroh kawi ka ri-loom Jaiñtia kyruiñ ko cha ka wot hadooh ka jylla hi waroh kawi.

Hei yatoh wa ki kaam kiwa kongsan kiwa oo booh thong u hakhmat dooh, da klam nyngkong u ya ka um baam um dih heiwa da ong u wa ka um man ko kawa e mynsien ya waroh, kamtæ da pynkynmoo u ya ki paidbah wa i rukom man ka wah Myntdu katni nei leh yong ki bru da man i kamwa toh pap donhi neibhah wa da pynkai ya ki jakhlia ki liar ki dooid ki chka cha ka wei pynemkaam ki bru pyn da ka hi man ka sngi. Da kular u wa u chimkhia u wow kreh neibynta wow pynbiang ya ka umdih wei wow booddien ya ka Scheme saam um ka sorkar kawa na ka wah Mynngot.

Da klam u chaphang i tngit i jakhlia ha yaaw ha hat, wa pynman ko ya ka Jowai kawa tngit iwa ye u wanrah ya i kjut wa ha rukom kamtæ da ong u wa da toh i por wow em ki bor ki wow pait yeini man ka sngi.

Ki kyntien imsngi wa klam u Moonlight ynne toh “Jowai: My Town, My Pride, My Responsibility” iwa mut ka chnong yong nga, ka chnong wow sñiaw sarong wa ka chnong kawa em i bahkhlieh neibynta yong ka, heiwa waroh emkaam u man ki kiwa embynta hei wow wanrah ya i kylla hapoh ka Constituency liang wanang.

Hei yatoh won wa ka kaam uiñke suwari da ong u wa kani ka thaiñ man ko kawa em chiboon ki thaw wa yoosuk heiwa da sakhi ya ki bru wa wan najan wa na jngai tangwa sñiawsih won wow yoo wa ka sorkar kheiñstiñ ko wow e yarap wow kyntu kynrong ya kani ka kaam.

Da pynrap u deiwa ong wa ka sorkar toh u chna ko ya ki dukan dukdoh ha kini ki thaw khnang wa kiwa wan uiñke u yoh ki u baam u dih kamjooh leh ki khynroo khyllood leh u yoh khih yoh kreh ki.

Ya i chait i khiah da kular u wa lada wan u hei bor daw yaleh u wow bood ya ki kyndon ka Indian Public Health Standard Guidelines 2016 kawa em ki kyndon wa kammon ki thaw sumaar u man ki wei iyi wa toh u em ha ki khnang wow suk ki paidbah.

Kiwi ki phang kiwa da klam u ynne ka sngi toh chaphang ka rep ka riang, i chah khang wow tih mar pohkhyndaw neidaw wym em ki policy krehkaam ka sorkar jylla, wa kiwi kiwi.

“Nadooh ka sngi nyngkong hadooh wa kut ka san snem u kreh chitom O khlem chongngiah” da ong u Moonlight hachwa wow pynkut u yei klam yong oo.

Advertisement ad1

0 Comments

Leave a Reply