15 49.0138 8.38624 1 0 4000 1 https://wyrta.com 300 0

Ki kaam wa da khang u leh hadooh wa da dep ka Election

0 Comments

Jowai: Deiwa krehkaam ka Model Code of Conduct wa kiwi ki kyndon wa da pynbna u Chief Election Commissioner ka ri wa da krehkaam ki hapoh ka jylla Meghalaya nadooh wa pynbna ya ki tarik thap Vote dei thmu wow pynman ya ka Election kawa khooid wa kawa lai bait neiliang ka yungkrehkaam u District Magistrate, West Jaiñtia Hills da pynmih ko ya ki hukum hei yatoh wa ini waroh neibynta ki kyrtong wa ki seiñ saiñ hima sima.

Kini ki hukum man ko wa ymhoi u thoh u tar cha ki chram ki yungkrehkaam paidbah wow pynbna chaphang u kyrtong kamjooh ki seiñ saiñ hima.

Da mana leh wa ym hoi wow booh ya ki  dur ki dar ki kyrtong ha ki thaw paidbah hadooh ki thaw ki bru samen lada ym yoh bor wei chong ha ka rai u District Magistrate wow e bor wow leh ya ini.

U District Magistrate da pyntip u leh wa ya ki tanghæng ym ye u pynemkaam nadooh 6 waje i step hadooh 10 waje i miet neibynta ki yalang paidbah ki lai paidbah khlem yohbor na u District Magistrate kamjooh leh na ki Waheh Chnong.

U District Magistrate da khang u leh ya waroh wa ymhoi u rah poisa ki wa kynjoh T. 50,000 hapoh ka District.

Kani ka hukum u neh ko hadooh ka 5 tarik u Wisu (March) uni u snem.

Advertisement ad1

0 Comments

Leave a Reply