Ynne ka sngi, ki khon ka chnong Wahiajer da dap ki dei kmen wei sñiawngooh hadien wa u MLA ka thaaiñ, u Sniawbhalang Dhar uwa man leh u khon ka chnong Wahiajer da e sñiawbha u cha ka chnong da ka kari Bolero Pick-Up ka wow man kam ka kari wow lai kit jhep na ki yung ki sem ka chnong.
Ya kani ka kari da pynlait leh kam chibynta ka lehkmen Independence Day kawa da pynman da ka Dorbar Chnong Wahiajer heiwa da wan sakhi da ki hajar ngut ki khon ka chnong.
Ya kani ka kari da wan wow pynlait da u MDC ka thaaiñ, u Reformingson Lamare uwa man leh u khon ka chnong Wahiajer uwa da pynsñiaw yei sñiawngooh wa khroo ya u MLA uwa neipor cheipor da theh u yei yarap hapoh ka chnong.
Neiliang u Waheh Chnong ka Wahiajer, u Sanwotki Laloo, da khut u ya ki khon ka chnong wow ya krehlang chirup chirup wa ki waheh yong ka chnong khamtam wow man kiwa yatylli khnang yow ye u wanrah yei roi i paar.
Discussion about this post