Ka karkhana wa pynkylla yei jhep cha ki jait rngaw wa hoi u pynemkaam hawa chet wa tu namo ka Waste to Fuel Plant ha Tura daw wai noh ya ka ha ka 17 tarik da u Montri Rangbah ka jylla, u Conrad Sangma chirup wa u Chang Jae-Bok, Ambassador ka South Korea cha India.
Kani ka Pilot Project namo i sdang pyrchang toh kawa pynbait daka sorkar jylla, ka Tura Municipal Board wa ka Chamhana GK, South Korea heiwa da rai wow chna yaka haka yalang wa man hapyrdi u Montri Rangbah, wa ki heh ka Chamhana Institute of Technology, South Korea wa yahkhamt da u Dongmin Choi, Chairman, ha Shillong ha ka 13 Wisu (Mar) 2019.
Ya kani ka kreh da pynkreh katkam ka PPP Mode khlem iwon iwon i su na ka sorkar Meghalaya heiwa ka sorkar da ngait ko wa kani toh kawa emkaam wow pyrchang chwa deiwa khian chwa wow leh deiwa heh ha kiwi ki chnong ka jylla.
Kamtæ da ya mynjur chwa da kawi ka karkhana wa khian wa em ki kor wa ye u pynmih 35 MT ha Tura ha i thaw noh jhep wa katni heiwa yei pynkrehkaam da pait da leh daka Chamhana hi deiwa e sikai leh ya kiwa chong chnong heiwa ya ka Chamhana da e leh yei hok wow dai ya kini ki rngaw wa da chna hei dur ki moo block wa tip kam ki Briquette kiwa da chna nei jhep yow pynmih ya iwa da lutsan ko wow leh ya ini waroh.
I leh yeini da slem wow pyndep neidaw wa em ka khlam COVID-19 ha u 2020 tangwa ha u Thohlakhmai (Feb) uni u snem da ye u kit lut ya waroh ki tiar ki tar wa da wanrah deiwa kit da ki kari cha Tura hadien wa pynpoi da ki jhaad cha India.
Kani kawa daw sdang ha Tura toh yow pynduna leh yei jhep wa poi ha kani ka thaw noh jhep.
Ka Chamhana Waste-to-fuel Technology toh wow pynmih ya u jait rngaw wa tip kam u WASTEF heiwa daw pynemkaam ya ki mar wym py’ut wa ki Plastic wow chna ya kini ki rngaw.
Waroh ki jait jhep ye u pynemkaam lait noh ki naar, ki yit, ki dieñ, ki tiar chna yung wa kiwi kiwi heiwa daw chna ya ki kam ki Fuel Blocks wei manda pynemkaam ya ki ym toh kiwa mih tdem wei ym em mih sma.
I rukom chna ya kini ki rngaw leh toh iwa leh da ki kor hi wei ym emkaam wow tba ki bru dei kti.
U Conrad Sangma da ngait skem u leh wa daw ye u leh kamni i jooh ha Shillong, Jowai wa kiwi ki thaw ha Meghalaya.
