New Delhi: u montri rangbah ka New Delhi, u Arvind Kejriwal ynne da ong u wa ka sorkar jylla ka Delhi daw pynman ko ya ka “Pollution-Free” Diwali ha Connaught Place nadooh 26 hadooh 29 tarik uni u bnai.
Ya kani ka lehkmen daw pynman ya ki Laser Show wa kiwi kiwi ki kaam pynwyrngia.
Hawa yaklam wa kiwa pathai khubor chirup wa u symbood montri rangbah ka jylla, u Manish Sisodia, u Kejriwal da ong u wa kani ka lehkmen ya ka Diwali u man ko kawa heh bha wei daw pynman ya ka ha Connaught Place wei waroh ye ki wow wan sakhi ya kani ka lehkmen.
Ka Connaught Place daw pynche ya ka da ki Laser Light wa kiwi ki rukom pynche da ki bordiñ wei kani ka pynyoo rong Laser Show u neh ko nadooh 6:00 waje i janmiet hadooh 10:00 waje i miet.
Neiliang u Sisodia da ong u wa ka thong yong kani ka lehkmen toh wow pynduna yei thang ya ki bomkala khnang wa kani ka lehkmen u man ko kawa khooid kawa pynduna yei pynsih ya ka la-ær.
Da ong u leh wa lada kani ka lehkmen ha Connaught Place u man ko kawa jop, daw pynman ya kam kani ka lehkmen ha kiwi ki thaw ka nongbah Delhi ha ki snem wow wan.
Discussion about this post