Ynne ka sngi ka sorkar jylla Karnataka da rai ko wow pynkrehkaam da ka Lockdown namo ka Curfew kawa 14 sngi ha waroh kawi ka jylla wow khang yei poor ka khlam COVID-19.
Ka Curfew u sdang ko nadooh 9 waje i miet ka 27 tarik.
Ya ini i rai da chim hadien ka yalang wa da khlieh da u montri rangbah ka jylla, u B.S. Yediyurappa.
Katkam ka yutip wa da yoh da ong wa daw chah wow kreh du ki kaam ki wymhoi u sangeh namo ki Essential Services donhi.
Ki dukan wa dai ya ki mar wa emkaam man-ka-sngi, u chah u wai ki nadooh 6 waje i step hadooh 10 waje i step wei hap wot wow khang hadien ini.