Pynman ka WJSU da ka Exam yow jied sa ki wow yoh Scholarship man-u-bnai

Ka Education Sub-Committee yong ka War Jaiñtia Students’ Union (WJSU), ha ka 3 tarik uni u bnai da pynman ko ya ka Follow-up Top-20 Examination yong ka 2nd War Jaiñtia Scholarship Examination 2025 ha Riwar Jaiñtia Church of God School, Ladjaplem, Amlarem Civil Sub-Division, Amlarem.

Ya kani ka Written Exam da sdang nadooh 10:00 waje i step hadooh 12:00 waje pyrdi sngi wei hadien da pynman sa ka Personal Interview nadooh 1:00 waje hadooh 3:00 waje noh chariñ ka sngi.

Ha kani ka Competitive Exam, waroh ki khynnah kiwa da mih pyrtuid ha ka Top 20 wa kynthup na ka Section-I, Section-II wa Section-III da wan ki wow chimbynta.

Related posts

Yow krum sa ka Ropeway kawa ₹151 klur hawa da em ka sarok 4-Lane yow lai cha Shillong Peak: TUR

October 25, 2026

Wa da kot u yaichah ya kiwa yahkhmat ka UDP ki wym kheiñkor ya u MLA, lai bood ki dkhot ka UDP 4-Mowkiaw ya u Nujorki cha ka NPP

October 25, 2026

Ya ka Result yong kani ka Follow-up Top20 Examination ka 2nd War Jaiñtia Scholarship Examination daw pynbna ha ka tayaaw wa khaddooh yong uni u bnai October, 2026.

Ka Education Sub-Committee u jied ko sa mar 7 ngut na kawi ka Section I, Section II, Section III ki wow yoh won sa ka Monthly Scholarship kawa Rs. 1200 chi bnai neibynta ka 12 bnai.