Ka IndiGo Airlines da chah ujor mukotduma Public Interest Litigation (PIL) ko ha Supreme Court hadien i thut i krehkaam ko heiwa da chah pyndam da ki hajar tylli ki lieñsuiñ ha kylleiñ ka ri ha ki sngi wa dadep.
Kani ka PIL wa da ujor da ka ‘IndiGo All Passenger and Others’ lyngba u muktiar, u Narendra Mishra ha Supreme Court deiwa ong wa chah ktah i hok ki paidbah.
Ha ka mukotduma da ong wa ki paidbah nadooh kiwa da heh rta, ki khynnah, ki khonboo, kiwa thooh dawai da chah ieh ki khlem ka um, i baam wa i thaw chongngiah.
Ka PIL da kyntu ko ya ka Special Bench wow phah u sangeh u pyndam ya ki lieñsuiñ ka IndiGo wow pynbiang ya i bai lai dei mynkna lyngba kiwi ki lieñusiñ wa ki rel.
Discussion about this post