Ha ka Dorbar Kur wa 9 ka Kur Sookpoh Khad-Ar Wyrnai da pynkup burom ya kiwa lehbha hei puræ deilang kiwa heh rta

Ka kur Sookpoh Khad-Ar Wyrnai kamwa jooh leh khlieh u snem da pynman ko ya ka dorbar bah yow yachemlang ya tipmit para kur kamjooh wow yoh u sneiñ u kroo ha i yung ka kur wa em ha Chilliangraij, Jowai wei ha uni u snem da leh biang yeini ha ka 6 tarik uni u bna heiwa ka kur da pynman ko ya ka dorbar yachemlang kawa 9 ha kani ka jooh ka thaw deiwa wan chimbyntalang ki khon ka kur na ki Unit waphær waphær wa em hapoh Jowai wa kiwa na baar ka chnong Jowai.

Ha kani ka dorbar yong ka Kur Sookpoh Khad-Ar Wyrnai najrong wa yoh yei kyntien sneiñ kyntu, kamjooh i parom yong ka Kur Sookpoh na ki waheh wasian ka kur wa kynthup ya u Puramon Kynjing, President ka kur uwa man leh u Dolloi ka Elaka Jowai, na u Shape Paswet, Vice President ka kur, u Marryngkat Syngkon, General Secretary, u Sñiawbhalang Rngad, Executive Member, u Arminius Constant Lipon uwa na Pynthorlangteiñ Branch wei da pynkup burom haroh ya kiwa ksoh kaam ka kur ha ki Unit waphær wei da pynkup burom leh ya kiwa da heh rta kiwa da em palat 75 snem.

Kamjooh leh da pynkup burom ya ki khon khynroo khyllood ka kur kiwa dapoi chakhmat ha ki kyrdan puræ puthi waphær waphær kam ka dak wow pynchlur ya ki u lehbha chooh choh ki wei ya kiwi won leh u bood ki ya ka nongmuna yong ki.

U President ka kur hawa klam ong u lym em ka Kur Sookpoh ye u ong ka Ri Jaiñtia deiwi dur u man ko, neibhah i mantre ka Kur Sookpoh ya ka chnong Jowai ymtoh du hei khana parom donhi, tangwa toh nei lehniam iwa ka Seinraij Jowai katni man ko kawa pynsakhi yeitæ.

Kyntu u wa yei mynsien kur toh u booh ha u dohnood ym hei jabeiñ, neibhah lada booh ha jabeiñ man iwa tlot lada booh won ha mynsien man i iwa khlanbor. Na itæ i daw i maya kur toh u em i ha mynsien.

Related posts

Booh mooyurim u VP ka yingkieñ wa pynyabi ya ka East Khasi wa West Jaiñtia | Ki kreh wa chongdor palat Rs. 1000 klur deilang

September 8, 2026

Ym em silet wei ym paan maap, ong uwa pynyap ya ka kurim | Maham u leh wow pynyap sa ya uwi u bru

September 8, 2026

Da ong haroh u i kordor yong i chakri bru toh u pyndap yeiwa duna, u pynbait yei bakla, ngait skem u wa ki Beipun Beili wa seiñ yei chnong Jowai, seiñ ki deiwa em i kitkhlieh yow chakri para bru ha pyrthai na itæ i daw ka pateiñ katni leh toh u em i jooh i kitkhlieh.

“Wot u Blai leh booh u ya i cha pyrthai yow chakri ya ka pyrthai wei u chakri leh dei mynsien Blai yow yarap ya ki para bru, wei ka mynsien Blai toh ka spah i maya katwa ye toh u maya yei kaam wa bha khnang wa u Blai leh u nangtheh kyrkhu u,” da ong u Puramon Kynjing.