Da ka PIL u booh ka MPUF lada ym pyndam ka Sorkar ya kawi na ki Weighbridge ha ri-loom Jaiñtia

Jowai: Ka seiñ Meghalaya Peoples’ United Front (MPUF) da pynsñiaw ko yei mynsien wa khia wa joor yei booh ka sorkar ya chiboon tylli ki Weighbridge hapoh ka Ri-loom Jaiñtia neibhah ini da ktah joor i ya ki tre kari kiwa yah kari neibhah wa haap thaw ki yei jooh i mar ar le sien.

Ka seiñ da ong ko wa em ar tylli ki Weighbridge kiwa mantre da ki bru samen kawi kawa ha Ynniawmer, West Jaiñntia wa kawi won ha Umtyra, East Jaiñtia nalor wa da em chwa kawi ka Weighbridge ka sorkar ha Ratacherra.

Kamtæ ka seiñ dei mynsien wa khia hei yatoh wa ini da dawa ko wow pyndam noh ya kawi na kini ki Weighbridge lada ka Ynniawmer namo ya ka Umtyraa khnang wow lait ware ki tre kari namo ki wa yah kari lutsan.

Ka seiñ da pynkynmoo ko wa ya ka Weighbridge wa em ha Umtyra da booh du neibynta ka NGT hei yatoh wa u mooyong tangwa katni da phah thaw ya waroh ki kari kit mar.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

“Hajrong kini ki daw ka seiñ yieñ skem ko wow dawa wow pyndooh ya kawi na kini ki Weighbridge wei lada ka sorkar ym ap ko yei dawa ka seiñ, ka seiñ lada emkaam daw booh ko da ka Public Interest Litigation (PIL) hei yatoh wa ini” da ong u Secretary ka seiñ u Aimonbha Syad.

Da ong leh wa yeini daw leh neidaw wym yohsa ka seiñ hawa yoo yei eh wa yachem ki paidbah heijooh i por da paan ko leh yei kyrchaan na ki paidbah khamtam na ki tre kari næ kiwa yah kari hei yatoh wa ini i kaam.