Shillong: Ka Meghalaya State Planning Board (MSPB) da rai ko wow sdang noh ya ka 90-Day Pilot Project wow pynchlur ya ki bru wow pynemkaam biang da ki muna that wow pynman ya ka jylla kawa yait na ki Plastic, yeini da ong u Chairman ka Board, u Lambor Malniang hadien wa kut ka yalang ka MSPB.
Hawa ong wa da thooh ki laad wow pynman ya ka jylla kam ka ‘Plastic Free’, da ong u wa ka sorkar daw kyrpaad ko ya waroh kiwa dai dukan wow pynemkaam noh da ki muna that, wei yeini u sdang nyngkong dooh na sor Shillong wei manda yoo yei man i long heitæ daw pynbood won sa ha kiwi ki District ka jylla.
Da pyntip u wa ka sorkar ha ka bynta wa nyngkong daw e ko hadooh 500 – 1000 tylli ki muna that, U Lambor da ong u wa yeini dang yaklam wow yoh yarap na ka World Bank.
U Naba Bhattacharjee, uwa man leh u dkhot ka Board da ong u wa i khang wow pyndam yei pynemkaam plastic toh du kani donhi ka laad wei ka sorkar emkaam wow thooh ko da kiwi tawon ki luti wow pynman ya ka jylla kam ka Plastic Free State.
Discussion about this post