Kam chibynta i lehkmen yei dap 25 snem i lai luti ka skur heiyatoh wow e chakri lyngba i tip i stat, i puræ puthi, ka Jowai Presbyterian Higher Secondary School lyngba ka Sports and Entertainment Committee Silver Jubilee Celebration, ha ka 5 tarik uni u bnai da pynman ko da ka Quiz Competition ha Auditorium Hall ka Lion Mission Compound Dorbar Chnong, hajrong ka phang “Honouring the past, envisioning the future”.
Ha kani ka yakob, ki skur wa chimbynta kynthup ki ya ka Jowai Presbyterian Higher Secondary School, ka KJP Synod Mihngi Presbyterian Higher Secondary School Jowai, ka Jowai District Presbyterian Secondary School Ialong, ka Khimusniang Presbyterian Secondary School Jowai, ka Presbyterian Women Secondary School, ka Night School Jowai waka Thadlaboh Presbyterian Higher Secondary School Jowai.
Hadien ki yukylli wapher wapher wa da wanrah da u Quiz Master, u Rimikilada Nonghuloo kamjooh leh i jubab na kiwa chimbynta da saam ya ki Prize cha kiwa jop heiwa da yoh nyngkong da ka Eulogemene R.L. Suting waka Kerpa Mebari Mukhim kiwa naka KJP Synod Mihngi Higher Secondary School Jowai.
Hei wa ar da yoh ka Lumansakani Nanghuloo waka Ebormi Suting naka Jowai Presbyterian Higher Secondary School Jowai katwa yei wa le won da yoh u Ferry Gordon Khuid waka Honourly Jone Khuid naka Jowai District Presbyterian Secondary School Ialong.
Discussion about this post