Ka sorkar jylla da chim ko yei rai wow thung da ka ‘Search Committee’ neibynta wow thooh ya ki bru chemphang wow man kam ki dkhot ka ‘Expert Committee’ ki wow tih bniah hawa yatoh wa i pynkylla ya ka aiñ bhah kaam namo ka Reservation Policy.
Hawa pyntip hadien ka yalang yong ki Montri (Cabinet), u Montri Rangbah ka jylla, u Conrad Kongal Sangma da khana u wa ya kani ka Search Committee daw yahkhmat da u Chief Secretary ka jylla, u DP Wahlang wei daw em leh ar ngut ki dkhot wa kynthup ya uwi u sahep na ka chnat Law wa uwi na ka chnat Personnel.
Da khana u wa i kaam yong kani ka Search Committee toh wow pynyoh ya 5 ngut ki bru chemphang wow man ki dkhot ha ka Expert Committee wei da phah ya kani ka Committee wow pyndep noh yei thooh ya kini ki bru rap smat katwa ye.
