Da ka Signboard wa u moopood sæh ka HANM ha Assam wow pyrchah yei tia pood ware ka Assam

Jowai: Ka seiñ Hynniewtrep Achik National Movement (HANM) Central Body, lyngba ka Land Protection Cell yong ka seiñ hapoh i yahkhmat u Chairman kani ka Cell uwa man leh u President ka seiñ u Lamphrang Kharbani deilang wa u Bobby Basawiawmoit General Secretary, Nelson Kharbani Vice President, L. Syiem Assistant General Secretary, E.J. Law President Laskein Block Circle, Haman Lyngkhoi President West Khasi Hills, Will Sohshang Vice President, Grandly Syiemlieh President Shillong Circle, Samkupar Lyngdoh President Upper Shillong Circle, K. Nongbri President Mawthaddraishan Cicle, Shaborlang Ryngiew President Mawshynrut, Donald Syiem President Byrnihat Circle deilang wa ki spah ngut ki dkhot ka seiñ da lai hiar ki cha ka yingkieñ Malidor, East Jaiñtia Hills District kawa em ha khappood wa ka Assam ha kani ka 14-12-2018, wow lai pynyieñ noh da ka Signboard kamjooh leh ya u Moopood chapoh ka thaw kawa da em pood u ang ka Cachar District ka jylla Assam.

Ya kani ka Signboard wa u moopood da booh hapoh ka jylla Assam kawa jngai hadooh kamwa 500 metre na i thaw ka Meghalaya, wei da leh ya ini hadien wa ka seiñ ym ye de ko wow chah ya i tia pood pyrchah aiñ yong ka Assam chapoh ka jylla Meghalaya na i por cha i por, kamtæ ha kani ka kynti uwa yahkhmat ka seiñ u Lamphrang hawa klam u da ong u wa i ngiah i da i ktien kamtæ i haap i wow pynyoo noh da i kaam. Da ong u leh wa ka khyndaw man ko ka ri lada i dooh noh i ya ka hok mantre ya ka khyndaw da mut wa da dooh noh ya ka ri.

Chooh chooh da beiñ joor u ya ka sorkar jylla wa wot hadooh katni ym pu ye ko u pynbait ya u pood u ang hapyrdi kini ki ar tylli ki jylla, kamwa man kattæ, ka Assam toh kawa tia chi tia pood cha ki thaw yong ka Meghalaya khamtam ha ki Block I wa Block II. Kamtæ neiliang uni wa yahkhmat da u ong wa lada ka sorkar ym ye ko u pynbait ya u pood u ang, ka seiñ dei wym yohsa daw leh hi ko da ka wow pynbait ya u pood u ang neini cha khmat.

Ha kani ka Signboard da thoh ya ki kyntien “WELCOME TO MEGHALAYA NADUH RILANG HADUH KUPLI KA DEI KA RI KHASI, By HANM Land Protection Cell”. Hadien wa da dep seh ya ka Signboard wa ya u moopood ka seiñ da rah ko ya ki Placard deilang wa i thoh waphær waphær, i kaweh yaki lama yong ka seiñ wa ki rwai maya ri.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka sngi ym em iwon iwon i wan pynwit næ pynthut neiliang ki bor pynlai District yong ka Cachar wei ka seiñ da yohlaad ko wow pynyieñ suk ya ka Signboard wa ya u Moopood hadooh wa dep.